Er det eit styre som driftar huset? Er det ein aktiv dugnadsgjeng? Kven er det som vil vere kontaktpersonar for teateret når det gjeld det tekniske, og kven er kontaktperson for marknadsføring? På alle framsyningane vil det vere billettsal i døra – er dette noko som de tenker at går fint å handtere?
Kor mange aktivitetar/arrangement skjer det i bygdehuset årleg, og kor mange møter på desse? Kva type aktivitetar/arrangement brukar å vere i bygdehuset? Kva publikumsgrupper brukar huset mest: vaksne, familiar etc? Har de hatt andre teater på besøk, eller har de hatt besøk av Teater Vestland tidlegare?
Har bygdehuset fleire rom som ev. kan nyttast, til dømes som inngang med plass til folk som kjem tidleg på framsyning (korleis er det for folk å stå i kø ved dårleg vêr)? Har de andre rom enn scenerommet der de ev. kan ha sal av kaffi/mat før framsyning? Dette er berre innspel – vi vil gjerne vite så mykje som mogleg om dykk og huset.
På kva måtar vil det vere lurt å marknadsføre teaterframsyningane: plakatar (kor mange stadar kan ein henge opp plakatar i området), flyer (t.d. leverast i postkasser), digitale skjermar på butikkar, legekontor, bibliotek osb.? Kva aviser dekker din spelstad?
Korleis er kompetansen på bruk av sosiale media? Kva kanalar i sosiale media brukar de? Kom gjerne med fleire marknadsføringstiltak som kan vere aktuelle for di bygd!